Беларуская і амерыканская літаратура пра Першую сусветную вайну: вопыт карэлятыўнага даследавання ; Belarusian and American Literature about the First World War: the Experience of Correlative Research

Артыкул прысвечаны навуковаму кірунку кампаратыўнага карэлятыўнага вывучэння аддаленых літаратурных традыцый на матэрыяле беларускай і амерыканскай прозы на тэму Першай сусветнай вайны; разглядаецца мадэль для кампаратыўнага вывучэння культурных традыцый, сфарміраваных у Заходняй Еўропе і Злучаных Штатах Амерыкі, шляхам вылучэння рэзанансных матываў на аналагічных структурных узроўнях у нацыянальна-спецыфічных літаратурах; доказна абгрунтавана камплементарнасць і парытэтнасць беларускай і амерыканскай прозы на тэму Першай сусветнай вайны агульнапрызнаным тэкставым узорам заходнееўрапейскай прозы на названую тэму. Выяўлена і аргументавана пацверджана ўзаемасувязь паміж структурнымі ўзроўнямі рознакультурных мастацкіх тэкстаў і характэрнымі для іх групамі матываў, якія складваюцца ў канцэптуальныя матыўныя дамінанты.