نبذة مختصرة : This article includes the following photographs: Versi Innu Banda - Orkestra Bellini c. 1927 - Mro. Mikiel Ciantar - Innu tal-Banda (riduzzjoni spartit) - L-awtur (Mro. Manoel Pirotta) ; Kull banda għandha l-innu tagħha li jiddistingwiha minn baned oħrajn li hawn imxerrdin mal-ibliet u l-irħula ta’ Malta u Għawdex. L-innu aktarx jindaqq dejjem f’kull okkażjoni li fiha l-banda tieħu sehem, kemm f’darha, kif ukoll meta tkun barra minn pajjiżha. L-innu tal-banda normalment jindaqq fil-bidu ta’ xi marċ jew xi programm, għalkemm hawn min jagħżel li jdoqqu fl-aħħar biex jagħlaq bih fost l-entużjażmu tal-partitarji. Dan dejjem skont l-okkażjoni xi tkun għax ġieli, waqt xi marċ tal-festa, jindaqq għal aktar minn darba biex jissodisfa x-xewqa, ngħidu aħna, ta’ xi sostenitur kbir, jew sempliċiment quddiem xi dar bil-faċċata mżejna minn fuq s’isfel ta’ xi ħadd akkanit. Dan it-tali aktarx li, ta’ kull sena jogħġbu jdaħħal lill-bandisti, jew talanqas lill-membri tal-kumitat, f’daru ħalli jbillu ftit griżmejhom b’xi grokk wiski jew flixkun birra kiesħa u xi sandwiċ jew tnejn. Għaldaqstant, fl-okkażjoni tal-75 sena mit-twaqqif tal-Banda ‘Lourdes’ għażilt li nitkellem proprju fuq l-Innu tal-Banda tagħha, pinna tas-surmast Mikiel Ciantar u versi ta’ Dun Karm Psaila. Nixtieq hawn inrodd ħajr lil Nicholas Azzopardi tat-tagħrif li għoġbu jgħaddili biex stajt ninseġ dan l-artiklu tal-okkażjoni. ; N/A
Processing Request
No Comments.