Saisir l’imperceptible : photographie d’art et ethnologie en perspective à Ségou au Mali

International audience ; Jata seko ni dɔnko jɔyɔɔrɔ bɛ seka kɛ mun ye hadamadenya /maaninfinya la ? Jatala ni maaninfin dɔnnitigi fila de ye nin masalabolo nin sɛbɛn walasa k‘an kalan an na baaraw la ani ka sira jira minnu bɛ seka baara wɛɛrɛw sababu don nataw la. O baara bɛ daminɛ ni fɛn fila ye (seko ni dɔnko ani maayakalan) ani (ka sɛbɛn jira min bɛ kuma dɔnko ni fɛn dɔw kan). Ɲininikɛla i na fo jadilanna bɛ sɛgɛsɛgɛli baara k’o kan ani k’o jira.Ɲininin hokumo wolola nin jɛ ye ani ja sɛgɛsɛgɛli ni mɔnw ni dusukun fɛnw ye minnu bɛ maaninfin dɔnnitigi dɛmɛ ala baara la seko ni dɔnko kɔnɔna na. Jata ni maayakalan bɛ Mali tariku kɔnɔ. Jɛ dɔ bangɛna o kɔnɔna na maaninfin dɔnnitigi dɔ ni jatala dɔ cɛ, kuma bɛna k’olu kan nin gafefuraw kɔnɔ.Kuman dɔrɔn tɛna kɛ nin mɔgɔ fila hakilina baara kan, nkan u bɛna sɛbɛn. Ola, folofolola, sɛbɛnbaw bɛna kɛ mɔgɔw ni baarakɛ fɛnw de ye. O mɔgɔw ye Oumarou Dembele ni Laure Carbonnel ye u bɛ hakilina baaraw kɛ walasa fili kana y’u ka baaraw ni ŋanniyaw cɛ. Jɔyɔɔrɔ folo bɛ kuma u ka ɲɔgɔnye cogoyaw de kan. Jɔyɔɔrɔ filana bɛ kuma u ka yefɛnw ni hakilina fɛnw de kan. Jɔyɔɔrɔ sabanan bɛ sɛgɛsɛgɛli k’u ka kɛtaw kan ani jata seko ni dɔnkon ni maayakalan baara minɛw kan. Ola, sɛbɛn bɛ kɛ kɛyɔɔrɔw ni miirinaw n‘u ɲɔgɔnnaw kan. Sɛbɛnba ninnu bɛna ɲɛfɔli kɛ ni widow ni jaw ni kumaw ye u ka baaraw kan n‘o ye jata n‘a danfarancɛw ani mɛn bɛ wele faransekan na ko jata tariku ɲɛfɔ yɔɔrɔ kelen kan.An ka jɛɲɔgɔnya nin nana nin miirinaw ni sininyasigin fɛnw ye ani gɛlɛyaw ye minnu ye kuntilenna folo jɛngɛn. Nkan, miirina ɲuman sɔrɔla ɲɔgɔnye nin kɔnɔ. Nin jata seko nin dɔnko kan ye sɛgɛsɛgɛli baara folo de ye walasa ka jɛ labɔn. Mun na ja dɔw kaɲi kɔsɔbɛ ka tɛmɛn dɔw la ? Umaru ye sɛgɛsɛgɛli baara min k’a yere ka baara nin kan, o ye hakilina dɔ dayɛlɛn maaninfin dɔnnitigi ye k’a ɲɛsin jaw n‘a tarikun kan, ka nani nin ɲininkali ye, munna ani cogo jumɛn na jata baara ni maayakalan bɛ seka taaman ɲɔgɔn fɛ. ; What role might art photography play in the social sciences? This paper, written ...