نبذة مختصرة : Çështje esenciale e këtij studimi-punimi është ndikimi i letërsisë në edukimin estetik të fëmijëve e me theks të veçantë tek edukimi estetik i nxënësve, nëpërmjet letërsisë në shkollë. Në kuadër të kësaj çështjeje, në këtë punim, përveç universalitetit të edukimit estetik, janë trajtuar edhe veçantitë e përgjithshme të letërsisë për fëmijë, teksti shkollor i letërsisë, lektyra shkollore dhe mësimdhënia e letërsisë. Punimi në vete përmban një vështrim jo shumë të detajuar, por më të përgjithshëm të historisë së edukimit estetik, i cili paksa është i lindur bashkë me njeriun, por i cili nuk krijohet vetvetiu. Ai (edukimi estetik) duhet zhvilluar si një nevojë e domosdoshme e jetës, punës dhe e shpirtit të njeriut. Në fokus të kësaj problematike është vënë rëndësia e pakontestueshme e estetikes në përgjithësi dhe e artistikes në veçanti, e posaçërisht rëndësia e edukimit estetik, i cili ka ndikim të gjithanshëm në personalitetin e njeriut, e sidomos në formimin më të plotë të personalitetit të fëmijës-nxënësit. Është evidencuar rëndësia dhe roli i pazëvendësueshëm i edukimit estetik në formimin e një fëmije-njeriu më të qytetëruar, më humanist, më etik dhe më njerëzor. Janë paraqitur disa nga veçoritë e letërsisë për fëmijë e që më e veçanta është se kjo letërsi nuk është art i pastër letrar, por është edhe pedagogji e ndonjëherë edhe didaktikë, sepse ka të bëj me një qenie delikate, të vogël dhe ende të paformuar, që është në formim e sipër të personalitetit të tij psiko-fizik, shpirtëror e emocional e të cilit i është e nevojshme t’i ofrohen njohuri të ndryshme për jetën e botën, si dhe këshilla e moralizime edhe nëpërmjet artit letrar. Është reflektuar mbi disa lëshime profesionale në përpilimin e teksteve shkollore të letërsisë, në përzgjedhjen e lektyrës shkollore dhe në mësimdhënien e letërsisë. Është potencuar që edukimi estetik është edukim universal, që është i nevojshëm në çdo aspekt të jetës njerëzore, është një proces i ndërlikuar i edukimit, që në mënyrë spontane bëhet gjatë jetës në familje dhe në atë ...
No Comments.