Die verhouding van Gen. 1 en Gen. 3 in die koninkryksbeskouing

Die gedagte van die koninkryk kan alleen verstaan word as uitgegaan word van die goeie skepping van God, wat saamtrek in die skepping van die mens na Gods beeld, dit wil sê tot persoonlike verbondsgemeenskap met God, wat deur die ongehoorsaamheid van die mens aan God ’n breuk ondergaan het, so radikaal dat alleen versoening van die mens met God, en dan ook alleen deur ’n middelaar wat die andersins onoorbrugbare kloof oorbrug, tot herstel kan lei.